នាព្រឹកថ្ងៃទី 30 ខែមេសា ឆ្នាំ 2026 ក្រុមគ្រួសារ BreadTalk Cambodia បានចូលរួមបរិច្ចាគឈាមជូនដល់មន្ទីរពេទ្យគន្ធបុប្ផា ក្រោមការផ្តួចផ្តើមដោយ​លោកជំទាវឧកញ៉ា លី ដាលីន Ly Daline  អគ្គនាយិក្រុមហ៊ុន ។ ក្រុមហ៊ុននិងរៀបចំ កម្មវិធីបរិច្ចាគឈាមនេះជាប្រចាំ ៣ ដងក្នុងមួយឆ្នាំ ដើម្បីបន្តការចូលរួម និងគាំទ្រដល់មន្ទីពេទ្យដែលតែងតែមានតម្រូវការឈាមសំរាប់ជួយដល់កុមារ។ យើងសូមថ្លែងអំណរគុណយ៉ាងជ្រាលជ្រៅចំពោះអតិថិជន និងដៃគូទាំងអស់ ដែលបានគាំទ្រ និងរួមចំណែកធ្វើឲ្យសកម្មភាពមនុស្សធម៌នេះអាចប្រព្រឹត្តទៅបានដោយជោគជ័យ និងបន្តទៅមុខទៀត។ #BreadTalkFamily #blooddonation

នាព្រឹក​ថ្ងៃទី​០៨ ខែមេសា ឆ្នាំ​២០២៦ ដឹកនាំដោយលោក​ជំទាវ​ឧកញ៉ា​ លី​ ដាលីន​ Ly Daline នាយិកា​ប្រតិបត្តិ នៃក្រុមហ៊ុន ចម & លី ​( ហាងនំបុ័ងប្រ៊េដថកកម្ពុជា )​ បាននាំយក​នំប៉័ង​  នឹងទឹកដោះគោ​ ចែក​ជូន​ អ្នកជំងឺដែលសម្រាក​ព្យាបាល​នៅ​ក្នុង​មន្ទីរពេទ្យ​ ជ័យ​វរ្ម័ន​ទី​៧។ 🍞🥯🥐✨ មន្ទីរពេទ្យគន្ធបុប្ផា គឺជានិមិត្តរូបនៃក្តីមេត្តា ក្តីសង្ឃឹម និងមនុស្សធម៌សម្រាប់កុមារកម្ពុជា នៅខេត្ត​សៀមរាប​។🏥🇰🇭✨ សូមអរគុណយ៉ាងស្មោះស្ម័គ្រ ចំពោះលោកគ្រូពេទ្យ អ្នកគ្រូពេទ្យ និងបុគ្គលិកទាំងអស់ ដែលបានលះបង់កម្លាំងកាយចិត្ត ដើម្បីកុមារកម្ពុជាជានិច្ច។🙏🏻✨ #ចែករំលែក​ក្តីស្រលាញ់ទៅកាន់កុមារកម្ពុជា  #BreadTalk_Cambodia #sharethelove

នាព្រឹកថ្ងៃទី09 ខែ​មេសា​ ឆ្នាំ​2026​ក្រោមការផ្តួចផ្តើម និងដឹកនាំដោយលោក​ជំទាវ​ឧកញ៉ា​ លី​ ដាលីន​ Ly Daline នាយិកា​ប្រតិបត្តិ នៃក្រុមហ៊ុន ចម & លី ​( ហាងនំបុ័ងប្រ៊េដថកកម្ពុជា )​ បានធ្វេីការ​ចែករំលែកក្តីស្រលាញ់ ស្នាមញញឹម និងផ្តល់ក្តីសង្ឃឹមជាមួយបងប្អូនភៀសសឹក​ នៅបម្ហូបអាហារ​ សម្ភារៈ​ប្រើប្រាស់​ គ្រឿង​បរិភោគ​ ទឹកដោះគោ​ នំប៉័ង​ និងសម្ភារៈសិក្សា។  ហាងនំ​បុ័ង​ប្រ៊េដថក​ នឹងបន្តចែករំលែក សម្រាលការលំបាកបងប្អូន នាឱកាសសង្ក្រាន្តឆ្នាំថ្មីខាងមុខនេះ​ ដើម្បីអោយបងប្អូនភៀសសឹកអាចសម្រាកចិត្តបន្តិច បំបាត់ភាពតានតឹង និងទទួលបានកម្លាំងចិត្តឡើងវិញ។ ចែករំលែកក្តីស្រលាញ់ និង​ស្នាមញញឹម​ក្នុងគ្រប់រូបភាពដែលអាចធ្វើបាន។ យើងមិនបោះបង់ចោលគ្នាឡើយ ព្រោះយើងមានបេះដូង និងឈាមជ័រជាខ្មែរតែមួយ ខ្មែរ​ស្រលាញ់​ខ្មែរ​ ដើម្បីភាពប្រសើរឡើងទាំងអស់គ្នា។  #BreadTalkCambodia#sharethelove #ស្មារតី​ខ្មែរ​ជួយខ្មែរ​ ខ្មែរ​ស្រលាញ់​ខ្មែរ

នាព្រឹកថ្ងៃទី១១ ខែមេសា ឆ្នាំ២០២៦ ក្រុមហ៊ុន ចម & លី ខបភើរេសិន (ហាងនំបុ័ងប្រ៊េដថកកម្ពុជា) ដឹកនាំដោយលោកជំទាវឧកញ៉ា លី ដាលីន Ly Daline នាយិកាប្រតិបត្តិ បានចូលរួមជាមួយកម្មវិធីសប្បុរសធម៌ លោកជំទាវ ម៉ែន ភក្តីហុកឡង់ឌី និងលោកជំទាវ ឌី សុខីទីឃាយុកោ ដោយនាំយកអំណោយចែកជូនដល់លោកតា លោកអ៊ុំ លោកពូ អ្នករត់ស៊ីក្លូចំនួន ៣១០ នាក់ មកពីសមាគមស៊ីក្លូកម្ពុជា ដើម្បីជួយសម្រាលជីវភាពខ្វះខាតរបស់ពួកគាត់ ♥️✨ ទន្ទឹមនឹងនេះ កម្មវិធីសប្បុរសធម៌នេះក៏មានការចូលរួមពីសប្បុរសជនជាច្រើនរូបផ្សេងទៀត ដែលបានបរិច្ចាគជាសម្ភារៈ និងថវិកាបន្ថែម ដើម្បីរួមចំណែកគាំទ្រកម្មវិធីសប្បុរសធម៌នេះផងដែរ។ សម្រាប់ការរៀបចំកម្មវិធីបរិច្ចាគទាននេះ គឺជាឆ្នាំទី១០ ហើយ ដែលតែងតែប្រារព្ធធ្វើឡើងជាប្រចាំក្នុងអំឡុងពេលមុនពិធីបុណ្យចូលឆ្នាំថ្មីប្រពៃណីខ្មែរ។ #BreadTalkCambodia #CycloEvent #រួមគ្នាចែករំលែកក្តីស្រឡាញ់ក្នុងគ្រាលំបាក #សួស្តីឆ្នាំថ្មីប្រពៃណីខ្មែរ

ក្រុមហ៊ុន ចម & លី ខបភើរេសិន បានរៀបចំ ស្បៀងអាហារក្រៀម និងនំបុ័ង ដើម្បីចែកជូនបងប្អូនប្រជាពលរដ្ឋខ្មែរ ដែលកំពុងរស់នៅតាមជំរុំភៀសសឹក ក្នុងគ្រាដ៏លំបាកនេះ។ ជាពិសេស នៅថ្ងៃទី ២១ ខែធ្នូ ក្រុមហ៊ុនបានរៀបចំនំបុ័ង បន្ថែមចំនួន ៥,០០០ កញ្ចប់ ដែលធ្វើឲ្យចំនួនសរុបនៃស្បៀងអាហារ និងនំបុ័ងមាន ជាង ៣០,០០០ កញ្ចប់។ សកម្មភាពមនុស្សធម៌នេះ បានប្រព្រឹត្តទៅក្រោមការដឹកនាំរបស់ លោកជំទាវឧកញ៉ា លី ដាលីន (Ly Daline) នាយិកាប្រតិបត្តិ ក្រុមហ៊ុន ចម & លី ខបភើរេសិន។ រួមគ្នាជួយ រួមគ្នាឆ្លងកាត់ការលំបាក #ChamAndLyCorporation #SupportOurPeople #TogetherWeAreStronger

សកម្មភាពសួរសុខទុក្ខរបស់ក្រុមហ៊ុន ចម&លី ខបភើរេសិន (ប្រ៊េដថកកម្ពុជា) នៅមជ្ឈមណ្ឌលទារក និងកុមារជាតិក្នុងថ្ងៃនៃក្តីស្រលាញ់🌷✨ នាព្រឹក ថ្ងៃទី ១៣ ខែ កុម្ភៈ ឆ្នាំ ២០២៥លោកជំទាវឧកញ៉ា លី ដាលីន នាយិកាប្រតិបត្តិក្រុមហ៊ុន ចម&លី ខបភើរេសិន បានដឹកនាំ ក្រុមការងារ របស់ហាងនំបុ័ងប្រ៊េដថកកម្ពុជា ចុះសួរសុខទុក្ខ និងចែករំលែកក្តីស្រលាញ់ អស់រយៈ១០ឆ្នាំកន្លងមកនេះ ព្រមទាំង ការយកចិត្តទុកដាក់ ទៅកាន់ កុមារា កុមារី កំព្រា គរថ្លង់ និងមានបញ្ហាទៅលើកាយសប្បទា នៅមជ្ឈមណ្ឌលទារក និងកុមារជាតិ របស់នាយកដ្ឋានសុខមាលភាពកុមារ។ ប្រ៊េដថកជឿជាក់ថា តាមរយៈកាយវិការសប្បុរសធម៌ នេះនឹងរួមចំណែក ញ៉ាំងឲ្យសង្គមជាតិរបស់យើង ពោរពេញទៅដោយសន្តិភាព និង វឌ្ឍនភាព!🌷✨ #រីករាយថ្ងៃនៃក្តីស្រលាញ់! 💕😍 #HappyValentinsday2025 #BreadTalkCambodia #10yearsOfSharingTheLove #NCIC

  នាព្រឹកថ្ងៃទី២៧​ ខែមករា ឆ្នាំ២០២៥​ក្រុមហ៊ុន​ ប្រ៊េដថក​កម្ពុជា​ រួម​ជា​មួយ​ ក្រុម​ហ៊ុន​ សោម៉ា​ គ្រុប​បានចូលរួមផ្តល់ឈាម​ ដោយស្មគ្រ័ចិត្ត​ ក្នុងការបរិច្ចាកឈាមដើម្បីចូលរួមជួយសង្គ្រោះជីវិតអ្នកជំងឺដែលកំពុងខ្វះខាត និងត្រូវការឈាមជាចាំបាច់។   #BreadTalkCambodia #BloodDonation #ShareTheLove

ក្រុមហ៊ុន ចម & លីខបភើរេសិន (ហាងនំប៉័ង​ប្រ៊េដថក​) សូម​ចូលរួម​ចំណែក​ ៤,០០០,០០០រៀល​ ក្នុង​ «មូលនិធិកសាងហេដ្ឋារចនាសម្ព័ន្ធតាមព្រំដែន»​ដើម្បីកសាង​ហេដ្ឋារចនាសម្ព័ន្ធ​ តាម​បណ្ដោយ​ព្រំដែន​ ដោយផ្តោតលេីការកសាង​ផ្លូវ​ក្រវាត់​ព្រំដែន​។ សូមបងប្អូន ចូលរួមចំណែកជាមួយរាជរដ្ឋាភិបាល តាមលទ្ធភាព ដើម្បីការអភិវឌ្ឍ ព្រំដែនប្រទេសកម្ពុជាយើង។ #BreadTalkCambodia #FoundationForBorder

យុទ្ធនាការបរិច្ចាគឈាមសង្រ្គោះជីវិតប្រជាជនកម្ពុជា យុទ្ធនាការបរិច្ចាគឈាមសង្រ្គោះជីវិតប្រជាជនកម្ពុជា របស់ក្រុមហ៊ុន ប្រ៊េដថកកម្ពុជា រួមជាមួយក្រុមហ៊ុន សោម៉ា គ្រុប បានបញ្ចប់ដោយជោគជ័យ នៅព្រឹកថ្ងៃទី ០៩ ខែ សីហា ឆ្នាំ ២០២៤  ក្រោមកិច្ចសហការជាមួយមជ្ឈមណ្ឌលជាតិផ្ដល់ឈាមនៃក្រសួងសុខាភិបាលដោយមានថ្នាក់ដឹកនាំព្រមទាំងបុគ្គលិកចូលរួមបរិច្ចាគឈាមដោយស្ម័គ្រចិត្ត ។ #BreadTalkCambodia_BloodDonation#ShareTheLove

រសៀល​ថ្ងៃទី​១៨​ ខែមេសា​ ឆ្នាំ​២០២៤ ដឹកនាំដោយលោក​ជំទាវ​ឧកញ៉ា​ លី​ ដាលីន​ Ly Daline នាយិកា​ប្រតិបត្តិ​ក្រុមហ៊ុន ចម & លី ខប ភើរេសិន ( ហាងនំបុ័ងប្រ៊េដថកកម្ពុជា ) និងលោកជំទាវ ចម ក្រស្នា Krasna Cham បានធ្វើការ​បរិច្ចាគ​ថវិកា​សប្បុរសធម៌​លើកទី​៥​ ដែលទទួល​បាន​ ពីការលក់ ៥%​ នៃការ​លក់​ភេសជ្ជៈ​ក្នុង​ឆ្នាំ​២០២៣​ របស់​ក្រុមហ៊ុន​ ប្រ៊េដថកកម្ពុជា​ ជូន​ដល់​ “​ មូលនិធិគន្ធបុប្ផា​កម្ពុជា​ “​ នឹងជារៀង​រាល់​ថ្ងៃ​ចន្ទ​ និង​ថ្ងៃ​ពុធ​ ក្រុម​ការងារ​ប្រ៊េដថកកម្ពុជា​តំណាង​ឲ្យ​លោក​ជំទាវ​ឧកញ៉ា​ លី​ ដាលី​ន តែងតែនាំ​យក​នូវនំបុ័ង​ចែក​ជូន​ អ្នកជំងឺដែលសម្រាក​ព្យាបាល​នៅ​ក្នុង​មន្ទីរពេទ្យ​ គន្ធបុប្ផា​កម្ពុជា​ក្នុងរយះពេល១ឆ្នាំ កន្លងមក ខ្ទង់ ៦៧០០០ នំបុ័ងផងដែរ។ ក្រុមហ៊ុនបានសន្យាថា នឹងបន្តយុទ្ធនាការនេះនៅឆ្នាំបន្តបន្ទាប់ទៀត ដើម្បីគាំទ្រដល់ “​ មូលនិធិគន្ធបុប្ផាកម្ពុជា​ “​ ហើយក៏សូមថ្លែងអណរគុណ ដល់ក្រុមគ្រូពេទ្យគន្ធបុប្ផាទាំងអស់ដែលតែងតែយកចិត្តទុកដាក់សង្រ្គោះជីវិតកុមារនៅកម្ពុជា។ ជាពិសេស សូមថ្លែងអំណរគុណយ៉ាងជ្រាលជ្រៅចំពោះអតិថិជនទាំងអស់ ដែលតែងតែគាំទ្រកន្លងមក និងសង្ឃឹមថាអតិថិជននៅតែបន្តការគាំទ្រ និងសូមចូលរួមទាំងអស់គ្នា ដើម្បីនាំយក​​ស្នាមញញឹមជូនដល់កុមារ​តូចៗ​ដែរ​បាន​ធ្វើ​ការ​សម្រាក​ព្យាបាល​ជំងឺ​នៅ​ក្នុង​មន្ទីរពេទ្យ​គន្ធបុប្ផា​ ដែលជាអនាគតដ៏ភ្លឺស្វាងរបស់ប្រទេសកម្ពុជា ។